4р курс дадлагын тайлан

1. Их Монгол Дээд Сургууль
Сэтгүүл зүйн тэнхим
IV курс: Радио телевизэд хийх дадлага
Дадлага хийсэн байгууллага: TV8 телевиз
Дадлага удирдсан сэтгүүлч:..................... /Х. Нарангэрэл/
Дадлага хийсэн оюутан:........................... /С. Эрдэнэдэлгэр/
Улаанбаатар хот
2016он

2. Агуулга:
1. Ерөнхий хэсэг
1.1 Дадлагын хугацаа
1.2 Дадлага хийсэн байгууллага
2. Үндсэн хэсэг
2.1 Зорилго, зорилт
2.2 Дадлагын хугацаанд хийж гүйцэтгэсэн ажлууд
2.3 Дадлагын хугацаанд эзэмшсэн ур чадвар
3. Төгсгөл хэсэг
3.1 Дүгнэлт
4. Хавсралт

3. 1.1 Дадлагын хугацаа
2016.1.5-3.5
1.2 Дадлага хийсэн байгууллага
TV8 телевиз
Монголын үндсэний чөлөөт телевиз ТV8 нь 2006 оны 3-р сарын 24-нд эфирээ цацаж ард түмэн
үзэгч олондоо анхны нэвтрүүлгээ хүргэж байсан билээ. Энэ өдрөөс хойш тв8 телевизийн уран
бүтээлчид бид үзэгч олонтойгоо хамтдаа 9 дахь жилээ үдэж байна. Бидэнтэй цуг байгаарай
уриан доор нэгдэж уран бүтээлээ туурвидаг манай хамт олон үзэгчидэд нээлттэй хамгийн
шударга телевизийн нэг юм. Энэ хугацаанд олон мянган үзэгчидийн сонгон үзэх дуртай
телевизийн нэг болсон нь зайлшгүй үнэн бөгөөд монголын телевизийн салбарт өөрийн гэсэн
шинэ өнгө аясыг нэмж, шинэ дүр төрхтэйгээр үзэгчидтэйгээ учран золгосон билээ. Телевизийн
салбарт хэдийнээ орон зайгаа бий болгосон гэдэгтэй итгэл дүүрэн байна. Манай телевизийн
“Толь”мэдээллийн хөтөлбөр нь хэвлэлийн хүрээлэнгээс явуулсан судалгаагаар сүүлийн 2 жил
тасралтгүй эхний байранд жагсаж өндөр амжилттай яваа. Ард түмний шимтэн үздэг олон
сайхан нэвтрүүлгүүдийг чанарын өндөр түвшинд цацаж уран бүтээлээ туурвидаг билээ.
Манай телевизийн эфир өдөр бүр 08:00- шөнийн 02: 00 цаг хүртэл үргэлжилдэг. Манай уран
бүтээлчид 10 минутын нэвтрүүлгээс эхлээд 1 цагийн хугацаанд үргэлжлэх бүхий л
нэвтрүүлгийг чанарын өндөр түвшинд сэтгэл зүрхээ зориулан бэлтгэдэг.
Телевиз бол дүрсний урлаг. Энэ ч утгаараа телевизийн амин судас болсон дүрсийг дэлгэцнээ
буулгадаг олон сэтгүүлч , хөтлөгч зураглаачид нар нийлэн ажиллаж үйл явдалын өрнөлийг
үзэгчидэд хүргэдэг.
Өнгөрсөн 10 сараас “Толь” мэдээллийн хөтөлбөрөө өөрчилж дотор нь хэдэн өвөрмөц булан
нээсэн билээ.
“Өдрийн толь” –Албаны үйл явдлын мэдээ сурвалжлага.
“Ард түмний толь” – “Таны эрх хаана зөрчигдөж байна? Тантай хэн шударга бус харьцаж
байна? Сэтгүүлчийг камертай нь дууд… “ТВ8-ийн “Толь” мэдээллийн хөтөлбөр. Дуудлагын
утас: 1952” гэж зарлаж байгаад иргэдийн гомдлын дагуу очсон хэсэг сурвалжлагаас бүтдэг.
“Шөнийн толь” – “Танд шөнийн мэнд хүргэе” гэж мэндчилдэг сонин “толь” юм. Нийслэлд урьд
шөнө тохиолдсон гэмт хэрэг, зөрчил, замын осол, түймэр зэрэг элдэв үйл явдлын
сурвалжлага.

4. Манай уран бүтээлчдийн баримтлах зарчим
Мэдээллийн эх сурвалжаа ашиглахдаа үнэн зөв талыг баримтлах
Хөтөлбөр нь үзэгчдэд мэдлэг олгоход чиглэсэн бодлогыг баримтлах
Аливаа асуудалд олон урьгалч үзлээр хандаж, олон талын эх сурвалжаас мэдээлэл
бэлтгэдэг байх.
Сэтгүүлч, уран бүтээлчид нь ёс зүйн өндөр хариуцлагатай байх
Сэтгүүлч, уран бүтээлчид нь цаг ямагт шинэлэг санаа эрэлхийлж эрхэмлэх
Үзэгчидтэй байнгын амьд харилцаатай, хамтын ажиллагаатай байж ажиллах
Хүнлэг энэрэнгүй шудрага журамт байх
2.1 Зорилго, зорилт
- Мэргэжлийн дагуу олж авсан онолын мэдлэгээ бататган гүнзгийрүүлэх
- Радио, телевизийн ажлын онцлог, дотоод зохион байгуулалт, үйл ажиллагаатай танилцах
- Сэтгүүлчийн ажлын онцлог, ажлын байранд тавигдах ёс зүй
- Хэвлэл мэдээллийн байгууллагад өргөн хэрэглэгддэг техник, төхөөрөмжийг ашиглаж
сурах
- Материал цуглуулах, сурвалжлах, эфирт нэвтрүүлэх зэрэг мэргэжлийн ур чадварт
суралцах
2.2 Дадлагын хугацаанд хийж гүйцэтгэсэн ажлууд
Эхний даалгавар: Ном унших даалгавар байсан. Үүнд:
- Л. Өлзийтөгс Хотын үлгэрүүд
- Петер Жеймс Сайхан үхэл
- Л. Түдэв Хүмүүс
- М. Зулькафиль Сэтгүүл зүйн онолын үндэс
- Дэвид Рэндалл Яаж сайн сэтгүүлч болох вэ?
Уншсан номноосоо шинэ санаа олж, зохиомж, эссэ бичих
Мэдээ бичих
Орцонд хаягдсан охин нас баржээ.
Өнгөрөгч арванхоёрдугаар сарын 22-ны өдөр Сүхбаатар дүүргийн долоодугаар хорооны 10
дугаар байрны орцонд 1.7 настай эмэгтэй хүүхдийг эцэг эх нь орхиж явсан хэрэг гарсан.
Охиныг байрны оршин суугчид олж ЭХЭМҮТ-д хүргэхэд хоёр уушиг хүндэрсэн
хатгалгаатай байсан тул сар гаруйн хугацаанд эрчимт эмчилгээ хийгээд байсан юм.
Улмаар охины бие муудахад хүүхдийн эхийг олж тогтоосон боловч түүнийг асран
хамгаалах хүсэлгүй байгаагаа илэрхийлсэн байдаг.
Харин охины биеийн байдал дээрдэхгүй байсаар өчигдөр буюу нэгдүгээр сарын 13-ны
өдрийн 16 цаг орчимд нас баржээ. Охины ээж болох Д нь 22 настай оршин суух тодорхой

5. хаяггүй, эрхэлсэн ажилгүй бөгөөд цагдаагийн мэдүүлэгтээ “Охин хүнд өвчин туссан,
амьдралын боломжгүй учраас орхиж явахаас өөр аргагүйд хүрсэн гэх тайлбарыг өгсөн.
Ийм нийгмийн ухамсаргүй зарим хүмүүсээс болж алтан хүний амь эрсдэж байгаа нь маш
том эмгэнэл юм.
Ахмадуудад үнэ төлбөргүй үзлэг оношилгоо хийнэ
Грандмед эмнэлэг жил болгон нийгмийн хариуцлагаа хэрэгжүүлэн ахмад настнуудад
чиглэсэн үйл ажиллагааг зохион байгуулдаг юм байна. Энэ хүрээнд 55-аас дээш насны
ахмадуудад үе мөчний үнэ төлбөргүй үзлэг оношлогоо хийж байна. Шаардлагатай
тохиолдолд рентген зургийг ч мөн үнэ төлбөргүй авч үйлчлэх аж. Үзлэг оношлогоог ирэх
сарын 5-ны өдөр хүртэл, 14:00-17:00 цагийн хооронд хийж байна.
Улаанбурханы нэмэлт дархлаажуулалт хийхээр төлөвлөж байна
Энэхүү нэмэлт дархлаажуулалтыг 19-30 насныханд хийхээр төлөвлөж байна.Сүүлийн
хэдэн сар улаанбурхан өвчний дэгдэлт газар аваад байгаа билээ. Тиймээс Эрүүл мэнд,
спортын яамнаас ийнхүү Улаанбурханы дархлаажуулалт хийхээр төлөвлөсөн байна.
Өнөөдрийн байдлаар 9383 Улаанбурхан өвчний сэжигтэй тохиолдол бүртгэгдэж, 1890 хүн
лабораторийн шинжилгээгээр батлагдсан байна. Өвчлөлийн насны ангилал 47 хувийг 15-
29 насныхан, 11 хувийг 0-8 сартай буюу вакцин тариулах нас болоогүй хүүхдийн өвчлөл
эзэлж байна. Өвчнөөр эндсэн хүүхдийн 90 хувь нь вакцин тариулах нас болоогүй, суурь
өвчтэй, хавсарсан эмгэгтэй, рахит, тэжээлийн дутагдалтай хүүхдүүд байна. Учир нь 0-8
сартай хүүхдүүд өвчлөлд ихээр өртөж байгаа нь есөн сартайгаас Улаанбурханы
товлолтын вакциныг хийж эхэлдэгтэй холбоотой байна. Одоогоор Халдварт өвчин
судлалын үндэсний төв болон дүүргийн нэгдсэн эмнэлэг, өрхийн эмнэлгүүд уртасгасан
цагаар ажиллаж байна.
Мобиком, Хаан банкны ажилчид ажилгүйчүүдийн эгнээг нэмэгдүүлж байна.
Эдийн засаг хүндэрч, томоохон компаниуд үүд хаалгаа барьж, зарим нэг нь ажилчдаа
цалингүй амраах болсон.
Тэгвэл Монголын ажилгүйчүүдийн армийг Хаан банк, Мобиком зэрэг томоохон компанийн
ажилтнууд хэдэн зуугаараа зузаатгаж эхлэв. Монгол Улсын хот суурин, аймаг, сум бүрт
салбар нэгжтэйгээрээ гайхуулдаг Хаан банкны хувьд “Экспресс банк” хэмээх үйлчилгээг
нэвтрүүлснээр бэлэн мөнгөтэй харьцаж, үйлчлүүлэгчидтэй нүүр тулан уулздаг ажилтнууд
болох теллерүүдээ хэдэн зуугаар нь цөөлөх болсноо мэдэгджээ.Саяхан гэхэд л эхний
удаад 200 теллерээ халж, асуудал намжсан хойно дараагийн 200 хүний халагдах
тушаалыг гаргасан аж. Энэ мэтээр зардал хэмнэх шалтгаанаар ажилчдаа цомхотгох үйл
явц цаашид өрнөнө гэнэ шүү. Мобикомын хувьд өдгөө 1200 гаруй ажиллагсадтай тус
компанийн шинэ эзэд болох МСS компани, түүний томилон ажиллуулж буй гадаад
гүйцэтгэх захирал нь тодорхой үе шаттайгаар ажилчдынхаа тоог даруй 50 хувиар багасгах
бодлогыг хэрэгжүүлээд эхэлчихжээ.
Хөдөлмөрийн яамнаас өршөөлөөр суллагдсан 50 иргэн тус бүрт 1 сая төгрөг олгохоор
болжээ

6. Өршөөлөөр суллагдсан 50 иргэнд тус бүр нэг сая төгрөгийн тусламж, дэмжлэг үзүүлэхээр
болжээ. Тодруулбал, эдгээр иргэнд зориулсан “Сайхан амьдрал таны гарт” сарын аяныг
Хөдөлмөрийн яамнаас зохион байгуулсан байна. Аяны хугацаанд Өршөөлийн хуулиар
суллагдсан иргэд сургалтад хамрагдаж, бизнес хийх төсөл бичих зэрэг олон зүйл сурсан
аж. Сургалтад хамрагдсан иргэдийн бичсэн төслөөс 50-ийг нь шалгаруулан бизнесээ
эхлүүлэх боломжийг ханган сая, сая төгрөгийн тусламж үзүүлэхээр болжээ.
74 настай эмээг дээрэмдсэн этгээдүүдийг саатууллаа
74 настай эмээг дээрэмдсэн этгээдүүдийг баривчиллаа. Өнөөдөр өглөө БГД-ийн
цагдаагийн албан хаагчид шуурхай ажилласны дүнд 24 цагийн дотор гэмт этгээдүүдийг
баривчилсан байна. Хэргийг 1990 онд төрсөн Дорнод аймгийн харьяат М, 1990 онд төрсөн
Увс аймгийн харьяат А, 1995 онд төрсөн Увс аймгийн харьяат Б нар үйлджээ. Тэд Баянгол
дүүргийн 15 дугаар хороо 24 дүгээр байрны 2 дугаар орцонд 74 настай Ц-гийн цүнхийг
булааж, шатнаас унагасан юм. Тэднийг саатуулан эрүүгийн хэрэг үүсгэн шалгаж байна.
Сэрэмжлүүлэг: Баярын өдрүүдээр ихэнх нутгаар цасан шуургатай
Энэ сарын 31-нд баруун болон төвийн нутгийн хойд хэсгээр, 1-нд нутгийн зүүн хэсгээр, 2-
нд баруун болон төвийн нутгаар, 3-нд баруун зүгийн нутгаар цас орж, цасан шуурга
шуурна. Салхи энэ сарын 1, 2-нд говь талын нутгаар, 3-нд баруун зүгийн нутгаар 12-14 м/с,
хүрч ширүүснэ. Увс нуур болон Дархадын хотгор, Хүрэн бэлчир, Хэнтийн уулархаг нутаг,
Идэр, Тэс, Орхон-Сэлэнгэ, Хараа, Ерөө, Туул, Тэрэлж, Хэрлэн, Онон, Халх, Улз голын сав
газраар шөнөдөө 29-34 градус, өдөртөө 17-22 градус, говийн бүс нутгийн өмнөд хэсгээр
шөнөдөө 10-15 градус, өдөртөө 0-5 градус, бусад нутгаар шөнөдөө 17-22 градус, өдөртөө
9-14 градус хүйтэн байна.
Иймд, иргэд, малчид, хөдөлмөрчид цаг агаарын мэдээллийг тогтмол хүлээн авах, цасан
шуурганы үеэр аян замд гарахгүй байх, зайлшгүй гарах тохиолдолд автомашин, техник
хэрэгслийн бүрэн байдлыг хангах, шатахууны нөөцтэй явах, дулаан хувцаслаж аюулгүй
байдлаа хангахыг Онцгой байдлын ерөнхий газраас анхааруулж байна.
Хүүхдийн мөнгийг энэ сарын 10-нд багтаан олгоно
Өнгөрсөн сард Хүний хөгжлийн санд хямралын улмаас хөрөнгө төвлөрөөгүйгээс болж
хүүхдийн 20 мянган төгрөг өнөөдрийг хүртэл олгогдоогүй.
УИХ-аар баталсан 2016 оны төсвийн хуулиар хүүхдийн мөнгийг амьжиргааны түвшинөөр
нь хамааруулж ялгавартай олгохоор болсон. Ингэхдээ 1-17 дугаар бүлэгт хамаарах айл
өрхийн хүүхдүүдэд сар бүр 20 мянган төгрөг олгох юм байна. Сангийн яамнаас энэ сарын
10-нд хүүхдийн мөнгийг олгох аж.
Банк дээрэмдсэн ах дүүс баривчлагджээ
Худалдаа хөгжлийн банкинд халдаж, 360 гаруй сая төгрөг дээрэмдсэн ноцтой хэрэг
өчигдөр гарчээ. Өнгөрсөн ням гарагийн өглөө 10.00 цагийн орчим Сонгинохайрхан
дүүргийн 18 дугаар хорооны нутаг дэвсгэр буюу Таван шард байрлах Худалдаа хөгжлийн

7. банкинд дээрэмчин этгээдүүд халдаж, их хэмжээний мөнгө дээрэмдсэн. Банк дээрэмдсэн
этгээдүүдийг өнөөдөр Улаанбаатар хотоос баривчилжээ. Хэрэгтэн Э, Б нар нь 1985, 1992
онд мэндэлсэн, төрсөн ах дүү хоёр байжээ. Тэднийг Сонгинохайрхан дүүргийн цагдаагийн
нэгдүгээр хэлтэст 147, 147.3-аар эрүү үүсгэн шалгаж байгаа. Цагдаагийнхан тэднээс нийт
380 сая төгрөгийг эд мөрийн баримт болгон хурааж авсан байна.
2016 оны өрний зурхай/Сайтад оруулсан мэдээ/
Хонины орд (3.21-4.20)
Хонины ордны хувьд энэ жил хуучин ажилуудаа дуусгаж шинэ,сэтгэл хөдлөгсөн төслүүдийг
эхлэх боломж олдоно. Та урьд өмнө ямар нэг шалтгаанаар хойшлуулж хийж чадахгүй
байсан ажлуудаа энэ жил эхлэнэ. Дуртай ажлаа эхэлсэнээр шинэ түвшинд гарч албан
тушаал ахина. Та ижил ашиг сонирхолтой шинэ найз нөхөдтэй болж тэднийхээ ачаар
амжилтанд хүрнэ.Мөн өөрийгөө бүрэн чөлөөлж хүссэн бүхнээ амархан олж авна.

8. Ихрийн орд(05.21-06.21)

9. Ихрийн ордныхны хувьд энэ жил их хүнд зохилт болно.Бүгдийг шинээр эхлэх шаардлагатай
болж ч магадгүй,ажилаа солихоос ч аргаггүй байдалд орж мэднэ. Таны орчин тойрон,найз
нөхөд өөрчилөгдөж солигдоно.Таны амьдрал тэр чигээрээ гадна нөхцөл байдлаас хамаарна.
Та тэдгээрт нөлөөлж чадахгүй нь. Тохиолдолж буй нөхцөл байдлыг амархан давах арга замыг
хай.
Сэтгэлээр унах хэрэггүй 9,10 сард таныг хэд хэдэн шинэ боломжууд хүлээж байна. Аманд орж
ирж буй шар тосыг түлхэхгүй байж чадвал орлогын хэмжээ чинь хэд дахин өснө. Бардам зан
гаргалгүй өөрийгөө зөв удирдавал амжилтанд хүрэх магадлал байна.
Мэлхийн орд(06.22-07.22)
Мэлхийн ордныхон 2015 онд хийсэн ажлынхаа үр шимийг энэ онд амсах нь. Та хамтран
ажиллаж байсан түншээсээ эсвэл захиалагчаасаа том санал хүлээн авах юм байна. Энэ

10. хамтын ажиллагаанаас та маш их ашиг олно. Энэ онд гэхдээ бүх зүйл сайн байхгүй. Гэр
бүл,хамаатан садны талаас үл ойлголцолтой учирна.
Таныг сонирхолтой аялалууд хүлээж байна. Та аялалаас шинэ танилууд, магадгүй танд хэрэг
болох бизнес түнштэй болж буцаж ирэх нь.Мөн та харилцаа тасраад удсан танил, хуучин
найзуудтайгаа буцаж холбоо тогтоосноор амьдрал тань баяр жаргалаар дүүрэн байх болно.
Арслангийн орд(07.23-08.20)

11. Арслангийн ордныхны хувьд энэ жил маш их ашиг орлогтой, сэтгэлд үлдэхүйц жил болно. Та
өөрийн бүхийл авьяасаа ашиглаж чадах тийм сонирхолтой төсөл хүлээж байна. Танд энэ ажил
маш их ашиг орлогыг авчирна. Хувь заяа тань сонирхолтой үйл явдлуудаар дүүрэн байна,та
маш их аз жаргалтай байх болно,энэ жил уйдхааргүй жил болох нь.
Өөрийн хувийн бизнесийн шилдэг санааг бодож ол. Ямар нэг үйлчилгээ, консалтинг, үл хөдлөх
хөрөнгөтэй ч холбоотой байж болно. Та өөрийгөө хүндэлдэг,бахархаж явдаг хүмүүсээр тойрон
хүрээлэгдэх бололтой. Гол нь та хүмүүст талархаж тэдэнд ч гэсэн хүндэтгэлтэй ханд.
Охины орд(8.23-09.22)
Охины ордны хувьд энэ жил хүнд жил байх нь.Ажилаа авч үлдэхийн тулд илүү их ажиллахаас
гадна байнга хүмүүсийн үл ойлголцолтой тулгарна.Ямар нэг асуудал тулгарч таныг гарах

12. замгүй болгоно. Та магадгүй хэт их яадарсан эсвэл бусдын тулгах шаардлагаас хамаарч гарах
гарцаа олохгүй байгаа ч байж магадгүй. Та битгий айгаарай,гарах гарцыг зоригтой хай.
Жилийн сүүлээр бүх асуудлууд шийдэгдэж амьдрал тань хэвийн байдалд орно.Агаар салхинд
гарч спортоор хичээллэх хэрэгтэй.
Жинлүүрийн орд(09.23-10.22)
Жинлүүрийн ордны хувьд 2016 хөнгөн бөгөөд их таатай жил байх нь.Та болж буй бүх зүйлээс
сэтгэлийн таашаал авна,боломж бүрийг өөртөө ашигтайгаар эргүүлж чадна,амьдралынхаа
шинэ утга учрыг олно. Мэргэжлийн хүрээнд алдар нэрийг олж, албан тушаал өснө. Ниймийг
байр суурь тань шинэ түвшинд гарч ашиг орлого их олно.

13. Жилийн 2 дахь хагаст мөрөөдөл тань биелэх сонирхолтой аялалд гарах болно.Төлөвлөөгүй
гэнэт аялалд явах нь танд олон шинэлэг зүйлсийг авчирна. 2016 онд олон шинэ хүмүүстэй
танилцах ч таарч тохирох удаан хугацааны харилцаа үүсэхгүй бололтой.
Хилэнцийн орд(10.23-11.21)

14. Хилэнцийн ордны хувьд энэ жил урьдчилж таашгүй үйл явдалтай жил болох нь. Жилийг жижиг
сажиг зүйлс хийж түүнээсээ их бага орлого олж өнгөрөөх байх. Та өөрөө үр дүнг нь сайн
төсөөлөхгүйгээр ашигтай ашиггүй ажилруу царцаа адил үсэрч орох болно. Энэ нь таны
амьдралдаа өөрчилөлт хийх гэсэн оролдлогтой холбоотой. Өөрийн тавьсан зорилгодоо
хүрэхийн тулд ухаан муутай хүмүүсийг хайр найргүй ашиглах оролдлого тань сайн зүйл
авчирахгүй.Ашигч чанар тань нэр хүндэд чинь муугаар нөлөөлж болзошгүй.
Нумын орд(11.22-12.22)

15. Нумын ордныхон энэ жил амьдралынхаа гол зорилгыг олно. Та өөрийнхөө дур сонирхолтой
ажлыг хийж хувь заяагаа дагна. Олон нийтийн үйл ажиллагаанд их оролцох шаардлагатай
болох бөгөөд тэнд олон сонирхолтой хүмүүстэй танилцаж албан тушаал өснө. Өөрийн гэсэн
бизнес нээвэл маш их амжилт авчирна,өндөр орлого олно.
Та үл хөдлөх хөрөнгийн асуудал эсвэл таны өмчид халдаж байгаа хүмүүстэй учраа олох
шаардлага тулгарна. Энэ нь жилийн сүүлд шийдэгдэнэ, үр дүн нь таныг баярлуулахгүй ч
сэтгэл ханамжтай үлдээнэ.Эргэн тойрныхонтой харилцах хандлага өөрчилөгдөнө.
Матрын орд(12.22-1.19)

16. Матрын ордныхны хувьд хүнд жил болох нь,танд яг тэсрэх бөмбөгтэй талбайд алхаж байгаа
юм шиг санагдана. Та зорилгодоо хүрэхийн тулд буруу арга хэрэгсэл ашигладаг хүмүүстэй
байнга зөрчилдөх болно. Эрсдэлтэй ажил, найдваргүй хүмүүст бүү хөрөнгө оруулаарай. Та
эрсдэлээ зөв тооцвол энэ хөрөнгө оруулалтаас ашиг олох магадлалтай, үгүй бол бөөн асуудал
дагуулна.Таныг нүүрэн дээр чинь хэт магтах хүмүүст битгий итгээрэй. Та сурах эсвэл эмчилгээ
хийлгэх зорилгоор гадаадад явах шаардлага гарна.

17. Бумбын орд (1.20-02.18)
Энэ жил их таатай жил байх болно, таатай боломжууд олон гарч ирнэ,та ч боломжийг
алдахгүй үр дүнтэй ашиглана. Зөв хүнтэй зөв газраа танилцахнь таны орлогыг өсгөхөөс гадна
албан тушаал ахихад тусална. Та хэд хэдэн томоохон ажлыг эхлүүлнэ,энэ нь таныг тэс ондоо
түвшинд гаргаж магадгүй өөр улсад амьдрах боломж гарна. Гэхдээ танд атаархасан нэгэн
хорлох гэж оролдож магадгүй тиймээс хэнд итгэх, үл итгэхээ сайн бодоорой.Итгэл найдвар
даахгүй хүнийг ажилдаа бүү оролцуул.
Загасны орд (02.19-3.20)

18. Загасны ордныхон 2016 онд олон асуудалтай учирна. Таныг хэн нэгэн уруу татаж буруу замд
оруулснаар бүх бурууг та үүрнэ. Бусдын сэтгэл санаа, сонирхолд тохируулж өөрийн
төлөвлөгөөгөө байнга өөрчилөх шаардлагатай болно. Тиймээс та өөрийгөө бодож өөрийнхөө
эрх ашгийг нэн түрүүнд тавих хэрэгтэй, бусдын ятгалганд бүү авт.
Ямарч шалтгаантай байсан 9-р сарын 2 дахь хагас хүртэл гадагшаа явах төлөвлөгөөгөө
хойшлуул.Бусдад биелүүлж чадахгүй амлалтууд өгөх хэрэггүй шүү,хавханд орохтой адил юм
болно. Зальтай бай.
НИЙТИЙН ТЭЭВРИЙН АВТОБУС НОЦТОЙ ОСОЛ ГАРГАЖЭЭ
Өнгөрсөн бямба гарагт "Сутайн буянт" ХХК-ийн нийтийн тээврийн автобусны жолооч осол
гаргаж, зорчигчид болон автобусны буудал дээр байсан хүмүүсийг гэмтээсэн ноцтой хэрэг
гарсан байна. Тодруулбал автобус чиглэлийнхээ дагуу зорчиж явахдаа Сонгинохайрхан
дүүргийн 26 дугаар хорооны нутаг дэвсгэр дэх Алтан овооны гуравдугаар гудамжны 18
тоотын ард байрлах автобусны буудал болон Алтан овооны гуравдугаар гудамжны 18
тоотын иргэн Ж-ийн хашааг мөргөжээ. Ослын улмаас автобусны буудал дээр байсан ес,
автобусаар зорчиж явсан зургаан хүн гэмтсэн байна. Ослын газарт нийслэлийн Онцгой
байдлын Аврах ангийн алба хаагчид ажиллан Яаралтай түргэн тусламжийн эмч нартай
хамтран анхны тусламж үзүүлж гэмтсэн иргэдийг ГССҮТ-д хүргэжээ. Ослын улмаас
гэмтсэн нэр, хаяг нь тодорхойгүй 30-35 орчим насны эрэгтэй хүн нас барсан гэж эх сурвалж
мэдээлсэн байна. Осол гарах үед Daewoo BS-106 маркийн автобусыг тус компанийн
жолооч Б жолоодож, замын хөдөлгөөнд оролцож байжээ. Энэ тухай "Сутайн буянт" ХХК-
ийн менежер: "Ийм хэрэг болсон. Цагдаагийн байгууллагад шалгаж байна. Манай тээврийн
хэрэгслийн хувьд техникийн бүрэн байдлыг хангасан байсан. Осол гарсан тойрогт
халтиргаа, гулгаа ихтэй. Өвөл болж цас орсноос хойш Алтан овооны гуравдугаар
гудамжны 18 тоотод оршин суух айлын хашааг мөргөсөн 11 удаагийн тохиолдол гарсан юм
билээ. Нарийн дүгнэлтийг мэргэжлийн байгууллага гаргах байх." гэжээ. Уг хэргийг Замын
цагдаагийн газрын мөрдөн шалгах хэлтэст шалгаж байгаа аж.
Зурганд явах
Зураглаач П. Тулга, Б. Даваажав нарын хамт өдөр тутмын үйл явдлын мэдээ
сурвалжлаганд явж байсан.

20. Хоолой бичүүлэх
Өөрийн бичсэн 3-4 мэдээг студид оруулж, хоолой бичүүлсэн
Ярилцлагын нэвтрүүлэг
“Нээлттэй хүн” Батзандан, МУ-ын хөдөлмөрийн баатар сансрын нисгэгч Гүррагчаа
“Титэм” Г. Хайдав, Ч. Насантогтох, Б. Сарантуяа, С. Батсүх
“Гольф & кофе” Жаргалсайхан, МУГЖ Ц. Цэнд-Аюуш, Бурханч лам Г. Пүрэвбат
“Чухал сэдэв ” Согтууруулах ундаа, МУ-ын өнөөгийн эдийн засаг зэрэг нэвтрүүлгийн
дугааруудад ярилцлагын асуулт бэлдэж, редакторлуулсан.
Судалгаа хийсэн
1. Мэдээллийг ихэвчлэн хаанаас авдаг вэ?
a. Tелевиз
b. Сонин
c. Сэтгүүл
d. Интернет
2. Мэдээлэл авахад хялбар хэрэгсэл
a. Телевиз
b. Сонин
c. Сэтгүүл
d. Интернет
3. Аль нь тлүү баттай мэдээлэл өгдөг вэ?
a. Телевиз
b. Сонин
c. Сэтгүүл
d. Интернет
4. Өдрийн хэдэн цагийг телевиз үзэхэд зарцуулдаг вэ?
..........................................
5. Өсвөр насныханд зориулсан хөтөлбөрүүд
.........................
.........................
.........................
6. Таны дуртай нэвтрүүлэг, ямар телевиз болох
..........................
..........................
..........................
7. Тэдгээрийн хүртээмж, ач холбогдол
......................................................
......................................................
8. Интернетээс өөрт хэрэгтэй мэдээллээ хангалтай авч чаддаг уу?

21. a. Тийм
b. Үгүй
c. ...........
9. Эдгээрийн ялгаа
Телевиз
Сонин, сэтгүүл
Интернет
10.Интернетээс мэдээлэл авдаг голлох сайтууд
2.3 Дадлагын хугацаанд эзэмшсэн ур чадварууд
Хувь хүн:
- Цаг бариитлах, өгсөн үүрэг даалгавруудыг цаг тухайд нь биелүүлэх
- Эхэлсэн ажлаа заавал дуусгах
- Багаар ажиллах чадвар
- Хурдан шаламгай, эмх цэгцтэй, нямбай байх
- Шаргуу хөдөлмөрч, бүтээлч
- Хариуцлагатай хандах
Мэргжлийн:
- Сэтгүүл зүйн зарчим
- Сэтгүүлч хүний баримтлах ёс зүй
- Сэтгүүл зүйн салбар дахь өнөөгийн хөгжил, байр суурь
- Ажлын байран дах ёс зүй
- Баримт мэдээллийг хангалттай цуглуулах, түүнийгээ сайн боловсруулах
- Шилдэг сэтгүүлчдийн бүтээлийг унших түүнд дүн шинжилгээ хийх, дуурайж
бичих, хооронд нь харьцуулах
- Сэтгүүл зүйн үүрэг:- Танин мэдүүлэх, зугаацуулах, харилцах, зохион
байгуулах
зэрэг ур чадваруудыг эзэмшсэн.
3.1 Дүгнэлт
Миний бие Радио телевизэд хийх 45 хоногийн дадлагын хугаацанд Тв8 телевизийн
“Толь” мэдээллийн хөтөлбөрийн мэдээний албанд сэтгүүлч Х. Нарангэрэлийн
удирдлаганд хийлээ. Дадлагын хугацаанд дараах туршлагыг олж авсан болно.
Үүнд:
- Танхимын сургалтаар олж авсан онолын мэдлэгээ практикт хэрэгжүүлэн
бататгах,
- Телевизийн ажлын онцлог, зохион байгуулалтыг судлан тоног
төхөөрөмжийн ашишлалтыг ойлгох,

22. - Материал цуглуулах, мэдээ бичих, сурвалжлаганд явах, хоолой бичүүлэх,
эфирт гарах,
- Хянан тохиолдуулах, орчуулах, найруулга хийх,
- Сэтгүүлчдийн дунд тавтгдаж байгаа өнөөгийн ур чадварт суралцх,
- Нарийн мэргэжлийн тоног төхөөрөмжийг судлах,
- ХМХ-ийн цахим орчин ба түүний тухай ойлголттой болох,
- Нэвтрүүлэг бэлтгэхээс эфирт гарах хүртэлх хугацаанд эфирийн
найруулагчийн хамт үйл явдалд оролцох,
- Хэвлэлийн бага хуралд суух зэрэг ажлуудад оролцон дадлагын хугацааг үр
бүтээмжтэй өнгөрөөв.
Цаашид анхаарах зүйлс:
- Аль ч ХМХд ажилласан өөрийгөө байнга хөгжүүлэх,
- Өнцөг сайн олох
- Өөрийн бичлэгийн онцлогыг олох
- Цуглуулсан баримтаа сайн ашиглаж сурах
- Сэтгүүлчийн ёс зүйг сайн баримтлах
- Аль ч салбарын талаар сайн мэдлэгтэй байх
- Өнөө үеийн шинэ мэдээллээс хоцрохгүй байх
- Техник сайн ашиглаж сурах гэх мэт зүйлс дээр анхаарч ажиллах ёстой.