Revista Monitor Janar 2008

1. Si të hartojmë një plan marketing1 ?
I-Hyrje
Planet marketing janë plane të cilat e zhvendosin biznesit tuaj në një marsh më të lartë shpejtësie.
Do të konsiderohej një plan i mirë nëse pasqyrat e raporteve do të ishin javore, mujore dhe 3 mujore
duke bërë të mundur evidentimin në çdo moment të ndryshimit pozitiv të biznesit.
Software-ët përkatës në këtë fushë japin ndihmesën e tyre. Megjithatë ndonëse në përdorimin e
software-ve për kontabilitetin janë hedhur hapa pozitiv në Shqipëri, për software-ët që ndihmojnë
në hartimin e planeve marketing ka shumë pak njohuri si nga bizneset ashtu dhe stafet e tyre.
Mangësitë në drejtim të planeve marketing ekzistojnë pothuajse në të gjitha institucionet private dhe
shtetërore në Shqipëri. Në pjesën më të madhe të rasteve planet marketing mund të shihen si
harxhim i pamenduar i parave, ndërkohë që ato rrisin shpejtësinë e ecjes përpara të organizates suaj.
Në tregun shqiptar nuk ekzistojnë software në shqip për të hartuar plane marketing.
Bizneset shqiptare nuk njohin rëndësinë që ka një plan marketing dhe vlerën që ka përdorimi i tyre
për bizneset .
Në treg ekzistojnë vetëm software të cilët janë në gjuhë të huaj dhe mund të shkarkohen nëpërmjet
internetit, por përdorimi i tyre në Shqipëri është në nivele shumë të ulta.
II-Elementët përbërës të planeve marketing
Sa herë flasim për një plan marketing, mbajmë parasysh elementët e mëposhtëm:
a) Përmbledhja ekzekutive
Pozicioni i përmbledhjes ekzekutive është në fillim të një plani marketing, pavarësisht se ndërtimi i
tij realizohet në fund pasi përfundojnë të gjitha fazat. Ajo i jep përgjigje pyetjeve cfare, si, pse, ku,
kur dhe si, duke pasqyruar në përmbledhje objektivat, strategjitë, parashikimet për shitjet, tregjet,
analizat finanziare etj.
b) Analiza e industrisë
Në këtë fazë analizohet industria, pikat kyçe të konkurencës, ofruesit, mjedisi ligjor, konsumatorët
si dhe vendi i kompanisë në industri.
Paraqesin rëndësi gjatë analizës: analiza SWOT dhe analiza “Porter's 5 Forces.”
Analiza SWOT pasqyron detaje mbi forcat, dobësitë, oportunitet dhe kërcënimet në industri.
“Porter's 5 Forces analysis” analizon dinamikën e lidhjeve midis konkurentëve aktual dhe të
ardhshëm, vetë kompanisë, produkteve të kompanisë, industrisë dhe klientëve.
c) Analiza e tregjeve të synuara
Përshkruhen produktet tuaj dhe objektivat e secilit prej klientëve tuaj. Në zhvillimin e analizës
përqëndrohemi në:
Target-at demografik të tregut si niveli i të ardhurave, interesat, aktivitetet, niveli i jetesës,
përshkrimet t tjera gjeografike, mjedisi politik, situata familjare, mosha etj
Industrit ose tendencat sociale që ndikojnë klientët
Target-i për nevojat duke u përqëndruar në çfarë klientët duan dhe përfitimet përkatëse që marrin
nga produkti
1
Dr. Ilirjan Lipi,Universiteti i Vlorës 23/01/2008

2. d) Strategjitë marketing
Në këtë fazë përfshihen dhe gjejnë pasqyrim objektivat marketing dhe misioni i kompanisë të cilat
shërbejnë si udhërrëfyese për analizat e mëposhtme:
• Pozicioni i produktit në relativitet me konkurentët dhe në sytë e klientëve
• Strategjitë e përgjithshme, te cilat do të përdoren për të përhapur objektivat dhe misionin
• Mix marketingu i produkteve i cili do të përfshije programet marketing specifik (4P)
• Produktet dhe vendosjet relative, vlerësimet dhe hedhja në treg
• Strategjitë e cmimeve për çdo produkt.
Aktivitetetet promocionale: përfshijne relacione publike, marketingun nëpërmjet internetit,
reklamat, programe të përhapura dhe programet e tjerë marketing që do të përfshihen ne te.
e) Matja e veprimeve
Ndërtimi i një njësie matje-je të suksesit në çdo program marketing, zakonisht zë vështiresi të një
shkallë mesatare. Ato konsistojnë në procesin e monitorimit pasi kompania do te kete zbatuar planin
marketing.
f) Parashikimet dhe analizat finanziare
Shprehin masën e objektivave të tregut, pjesën e tregut dhe projektimet e rritjeve sipas muajve. Në
analizat finanziare paraqesin rëndësi:
• Parashikimi i fitim-humbjes. Janë të rëndësishme të analizohen detaje si njësitë e shitjeve
dhe paratë e parashikuara, kosto e produkteve, buxhetet marketing, projektet për shpenzimet
fikse dhe variabël, shpenzime të tjera, marzhi i fitimit.
• Analiza break-even. Tregon njësitë dhe dollarët që nevojiten për të bërë një program
marketing fitimprurës.
• Skenari “cfarë-nqs”. Tregon cfarë ndodhë nëqoftëse parashikimi dhe marzhi i fitimit janë
më të ulët ose më të lartë sesa parashikimi.
III-Si të krijojmë një plan marketing dinamik
Ne të gjithë miratojmë rëndësinë e planeve të biznesit, por shpresh herë harrojmë vlerën e planeve
të mirë marketing.
Planet marketing përbëjnë më pak faqe sesa një plan biznesi. Rekomandohet një plan marketing
nëse doni të rrisni shpejtësinë e biznesin tuaj. Një plan i mirë marketing ju jep pasqyra javore,
mujore dhe 3 mujore.
Në një plan marketing përfshihen qëllimet, objektivat, veprimet, të gjitha vendosjet dhe rritjet e
biznesit tuaj.
Supozojmë se qëllimi për vitin që vjen është 10.000.000 lekë. Ai mund të duket i paarritshëm, por
“bëjeni atë për pak kohë”. Në mënyrë që plani marketing të shtojë shpejtësinë e ecjes së biznesit
duhet të ndiqni rekomandimet e mëposhtme:

3. 1-Bëjeni atë realitet.
Është e rëndësishme të vendosni gjuhën e qëllimeve tuaja në mënyrë që të arrini të lexoni arritjen e
objektivave. Kjo do të aktivizojë subkoshiencën tuaj dhe do të jeni më serioz në arritjen e qëllimeve
tuaja.
2-Jepni emocion. Bëjeni çdo qëllim të zotërueshëm nga ju personalisht dhe i jepni emocion.
3-Filloni me objektivat më të mëdha. Startoni me qëllimet tuaja më të mëdha dhe copëtojini ato
në periudha që mund të maten psh 2.500.000 lekë për cdo 3 muaj. Kujtoni që qëllimi juaj është i
matshëm dhe një plan më realist.
4-Njihni objektivat e audiencës suaj. Shprehja që “çdo kush” është objektiv i audiencës suaj
është gabim dhe gabimi do të thotë kosto për ju ose probleme në parat tuaja.
5. Ku janë ata?
Të njohësh objektivat e audiencës tënde nuk mjafton. Ju duhet të njihni nga varen, cfarë ata
pëlqejnë, çfarë nuk pëlqejnë, dhe ju nevojitet të flisni gjuhën e tyre. I shkruani qëllimet tuaja në
kohën e tashme, pasi në këtë mënyrë do të shtoni emocionin.