1. Mrekullia e Kur’anit në çështje të astronomisë:
1. Kur’ani përmend se gjithësia është e krijuar prej një origjine të përbashkët të
cilën sot e quajmë bërthamë atomike, e cila nëse e përshkruajmë për së afërmi i
ngjason mjegullimit të koncentruar në një pikë qendrore të nxehtë, këtë e
përshkruan Kur’ani si mjegull: “A nuk e dinë ata, të cilët nuk besuan se qiejt e toka
ishin të ngjitura e Ne i ndamë” Enbija : 30.
Mandej e mësyu qiellin (krijimin e qiellit) e ai ishte tym (mjegullinë që ishte si
materie e parë) dhe atij (qiellit) e edhe tokës i tha : Qasuni urdhrit Tim me dëshirë
ose me dhunë ! Ato dyja thanë : “Po i qasemi (nënshtrohemi) me dëshirë” Fusilet 11.
2. Të shikojmë pra rrotullimin e tokës.
Çështja se toka është e rrumbullakët, kjo çështje është e vërtetuar dhe është
pranuar, këtë e ka përmendur Kur’ani: “Ai natën ia mbështjell ditës dhe ditën ia
mbështjell natës” Zumer 5.
Në gjuhën arabe kur të thuhet “Kevere Umamet” d.m.th. “e ka pështjellur rreth
kokës”. Kjo formë Geoide është vërtetuar në shkencën bashkëkohore: ngase toka
është e rrumbullakët dhe se kur gjysma e saj është natë, gjysma tjetër bëhet ditë,
dhe me rrotullimin e tokës nata e mbështjell ditën, dhe po ashtu dita e mbështjell
natën.
3. Shkenca e ka vërtetuar se shuarja e yjeve është çështje shumë e komplikuar, nuk
është vetëm ashtu siq e sheh syri ynë nga malet e larta. Ne faktikisht jemi shumë
larg yjeve. Ne nuk i shohim yjet, por vetëm i shohim format (figurat) e yeve të shuar
,ne shohim mbi 1000 yje te shuar të para miliona vite dritë, pse udhëtimi i dritës së
yllit i cili vjen prej yllit deri tek ne është shumë i gjatë edhe pse ka shpejtësi të
madhe.
Thotë All-llahu i madhëruar : “Betohem në vendshuarjen e yjeve. E ai është i madh,
sikur ta dini!” Vakia : 75,76.
Marrë nga libri: Për Hulumtuesit e fesë së vërtetë
Autorë: Hisham Muhamed Tilbete
Përktheu:Dr Musli Vërbani