ქეისი

1. მეგობრები
ნინო, გიორგი, დათო და მარიამი კლასელები არიან. ერთ სადარბაზოში ცხოვრობენ
და ეზოში სულ ერთად თამაშობენ. როდესაც ანა მასწავლებელი კლასს ჯგუფურ
დავალებებს აძლევდა, ისინი სულ ერთ ჯგუფში ერთიანდებოდნენ და დავალებებსაც
ერთად ასრულებდნენ.
ანა მასწავლებელმა კლასი 4 ჯგუფად დაყო და თითოულ ჯგუფს განსხვავებული
დავალება მისცა. მათ უნდა მოეძებნათ და გაეკეთებინათ პრეზენტაციები
პლანეტების შესახებ. მასწავლებელმა გადაწყვიტა, მეგობრები ნინო, გიორგი, დათო
და მარიამი ცალ-ცალკე ჯგუფში გაეერთიანებინა. ერთი ჯგუფის ლიდერად ნინო
დაასახელა, მეორე ჯგუფის ლიდერად მარიამი, მესამე ჯგუფის ლიდერად დათო და
მეოთხე ჯგუფის ლიდერად გიორგი. დავალების შესასრულებლად თითოეულ
ჯგუფს მხოლოდ 7 დღე მისცა. 7 დღის შემდეგ ოთხივე ჯგუფს ერთად უნდა
გაეკეთებინათ პრეზენტაცია მასწავლებლისთვის.
დავალების მიღების შემდეგ, მეგობრებს (ნინოს, გიორგის, მარიამს და დათოს)
გაახსენდათ, რომ მათ საერთო წიგნი ჰქონდათ პლანეტებზე, რომლებშიც ძალიან
ბევრი და საინტერესო ინფორმაციები იყო. ეს წიგნი გიორგისთან სახლში ინახებოდა.
დავალების მიღებისთანავე ოთხივე მეგობარი შეიკრიბა და დაიწყეს კამათი, ვის
უნდა წაეღო პირველად წიგნი. ვერაფრით ვერ შეთანხმდნენ, თან გიორგის არ სურდა
დანარჩენებისთვის გაეზიარებინა ის ინფორმაცია, რაც წიგნში იყო. გიორგის
გამარჯვება სურდა და მან კარგად იცოდა, რა კარგი ინფორმაციები იყო
სახელმძღვანელოში, თუ სხვებსაც გაუზირებდა წიგნს, ისინიც კარგი პრეზეტაციის
გაკეთებას შეძლებდნენ. გიორგის გამარჯვების შანსი შემცირდებოდა. ბავშვებისთვის
მსგავსი წიგნის პოვნა ასე მცირე დროში თითქმის შეუძლებელი იყო.
დაეხმარეთ მეგობრებს და ურჩიეთ, როგორ უნდა მოიქცნენ ისე, რომ ყველა ჯგუფმა
კარგი პრეზენტაცია მოამზადოს 7 დღეში, არ იჩხუბონ და ისევმეგობრებად დარჩნენ.